«Абайтану» кабинеті

Қырғауылды ауылындағы қазақ орта мектебінде 11-22 қараша айы аралығында Қазақ тілі мен әдебиеті пән бірлестігінің онкүндігінде жоспарланған іс шаралар болып өтті.
Аталған іс шарада мектебімізде Қазақтың ортақ мақтанышына айналған халқымыздың ұлы перзенті, ақын, философ, ғұлама Абай Құнанбайұлының құрметіне орай мектебімізде «Абайтану» кабинеті ашылды.
«Абайтану» кабинетін ашудағы негізгі мақсат- мектеп бағдарламасында оқытылатын курстың оқытылуы мен оқылуын жетілдіру, оқушылардың Абайтанудағы білімдерін арттыру, мұғалімдердің және оқушыларымыздың шығармашыл қырын жетілдіруге бағытталған.
“Абайтану” кабинет ашылу салтанатына келген құрметті қонағымыз Ұлықбек Оразбайұлы Есдаулет - ақын , журналист ,Қазақстанның еңбек сіңірген қайраткері, Қазақстан мемлекеттік сыйлығының иегері ,ҚР жазушылар Одағының төрағасы.
Ақын Ұлықбек Есдаулет “Абайтану” кабинетінің ашылу қызыл лентасын қиды және тәттілерден шашу шашылып, мектеп оқушылары өнерпаздары өз өнерлерін көрсетті. Абай атамыздың әндерін орындап, қарасөздерін мәнерлеп оқыды.
Ақын мектеп оқушыларына және ұстаздарға алғыс айтып, өз батасын беріп ,жүрек жарды ақ тілегін айтып, ризашылығын білдірді.Автор кітаптарын өз қолтаңбасымен сыйға тартты.

​https://youtu.be/GQAi3lPCZjs​​​